اسكريبت خطوبه شاب ملتزم من حكايات نور محمد

لمي شعرك يا بنتي ده عريس جاي يشوفك مش صحابك في الكلية. 
سندس بضحك 
يا ماما متقلقيش هو كده كده لو شافني وأنا نايمة على الكنبة وبتفرج على مسلسل مش هيعرف أنا حقيقية ولا لأ.
أمها تتهوس 
يا شيخة اسكتي البني آدم ده باين عليه محترم. أمه كل كلامها الصلاة والصيام والحجاب. 
سندس 
ماهو كويس يا ماما أحسن ما تبقى بتسأل البنت بتعرف تغني راب
يرن الجرس. 
قلب سندس يدق 
يا ساتر يا رب ده هو!
تدخل أم يوسف ويوسف. يوسف لابس قميص بسيط ولحية خفيفة منظفة عينه مكسوفة شوية بس فيها وقار. 
يتسلموا السلام وقاعدين في الصالون. 
أم سندس 
اتفضلوا يا حبايبي نورتونا. 
أم يوسف 
النور نوركم والله ربنا يجعلها زيارة خير.
بعد شوية كلام رسمي من الأمهات أم يوسف تبص لسندس وتبتسم 
ما شاء الله إنتي سندس 
سندس بخفة ډم 
أيوه يا Tante الحمد لله لسه ما تغيرتش من الصبح.
ضحكة خفيفة تعلو الجو حتى يوسف ضحك بس حاول يخبيها.
أم سندس 
سيبوا الشباب مع بعض شوية يتكلموا. 
أم يوسف 
ماشي بس الباب يفضل مفتوح. 
سندس في سرها 
يا خړابي هنقعد نسمع الجيران كمان!
قعدت سندس على طرف الكرسي ويوسف على الطرف التاني. في لحظة صمت غريبة. 
يوسف يحاول يكسرها
إزيك يا آنسة سندس 
الحمد لله وإنت يا أستاذ يوسف 
الحمد لله 
يصمتوا تاني.
سندس مش مستحملة الصمت 
بصراحة أنا متعودة أتكلم كتير فلو اتكلمت زيادة اوعى تقولي كفاية يا أختي. 
يوسف ببتسامه 
لا عادي الرسول ﷺ كان بيحب الكلام الطيب فلو كلامك طيب تفضلي اتكلمي براحتك. 
سندس 
طيب اطمن كلامي طيب بس كتير.
يسكتوا ثانيتين بعدين يوسف يقول بهدوء 
أنا حابب أعرف نفسي أكتر أنا بحب الالتزام بس مش بحب التشدد. بحب الضحك والهزار بس من غير ما نزعل ربنا. 
حلو الكلام أنا بقى بحب الهزار جدا وأوقات بنسى إن في ناس بتاخده على محمل الجد. بس عمري ما بحب أعدي حدود ربنا. 
يوسف 
دي أهم حاجة عندي إن البيت اللي هبنيه يبقى ليه علاقة بربنا وفيه رحمة وضحك برضو. مش عايزه يبقى بيت كئيب. 
سندس بحماس 
وأنا معاك جدا! البيت من غير ضحك يبقى كأنه أوضة ضلمة.
يوسف ياخد نفس عميق 
طيب هل توافقي إننا لو حصل نصيب يبقى بينا احترام في الكلام نراعي أوقات الصلاة مايبقاش فيه اختلاط زيادة في فترة الخطوبة ونحاول نعرف بعض في النور 
سندس 
بصراحة دي أحلى جملة سمعتها من واحد جاي يخطبني. أغلب الناس عايزين يعرفوا تعرفي تطبخي محشي 
يوسف بضحك 
لا عادي الالمحشي ممكن نتعلمه بس
الاحترام والأخلاق لو مش موجودين من الأول صعب يتعلموا.
من بعيد أمهاتهم بيبصوا عليهم ووشهم منور. 
أم سندس تهمس 
شايفة يا أختي الولد عينه فيها حياء. 
أم يوسف 
والبنت ډمها زي العسل إن شاء الله خير.
عدت أسابيع واتكتب الكتاب واتخطبوا رسمي. مكالمات واتساب مسموحة بس يوسف عامل لنفسه قواعد. 
في يوم بعتت له سندس صورة Selfie بالحجاب بس عاملة فيها حركات مضحكة بوشها.
سندس 
شفت أنا حلوة إزاي 
يوسف اتأمل الصورة وبعدين كتب 
ما شاء الله إنت جميلة بس يا ريت الصور دي ما تتبعتش كده كتير عشان لو التليفون اتسرق ولا حاجة. 
سندس تضايقت شوية 
يا نهار أبيض ده أنا حتى محجبة في الصورة! 
يوسف 
أنا عارف بس برضو مش حابب أدور على الحلال بإيدي وبعدين أضيعه بإهمال.
اتنرفزت شوية 
طيب يا عم الشيخ اعتبرني ما بعتش حاجة. 
وقفلت المحادثه معاه بضيق.
يوسف حاس إن في حاجة غلط فكلمها. 
ألو 
أيوه 
حاسس إنك زعلتي. 
لا يا أخي مازعلتش.
يوسف يضحك 
صوتك بيقول إنك عاملة إضراب. 
سندس تتنهد 
بص يا يوسف أنا بحب طريقتك في الخۏف على الحلال والله العظيم ده شيء يطهر القلب. بس أوقات بحس إنك بتشدها زيادة. أنا واحده خطيبتك بعتلك صورة بالحجاب فين الغلط 
يوسف 
تعرفي إيه اللي مضايقني فعلا 
إيه 
إني خاېف لو أنا قصرت في حفظ الصور أو التليفون ضاع تبقي إنت اتأذيتي بسببي ربنا هيحاسبني. 
سندس سكتت شوية وبعدين قالت بهدوء 
طب وإنت فاكر إني مش بحب إنك تخاف عليا 
أكيد بتحبي. 
أومال إيه طيب من هنا ورايح مش هبعت صور بس إنت بقى تعوضني بكلام حلو زيادة. 
يوسف يضحك 
اتفاق شرعي وعادل.
استغل الفرصة وقال 
وبصراحة أنا شايفك حلوة حتى من غير صور كلامك لوحده بيضحكني ويريحني. 
سندس تتلخبط 
ثواني كده إنت يوسف اللي أعرفه ولا حد خطڤ الموبايل 
لا أنا يوسف بس أهو بجرب الرومانسية الحلال. 
لا استمر يا مولانا شكلها مباحة.
قررت العيلتين يخرجوا مع بعض في مول جديد. يوسف كان حاطط خطة 
نخرج ننبسط بس نراعي الصلاة والحجاب