اسكريبت خطوبه شاب ملتزم من حكايات نور محمد
والاختلاط.
خالد صاحبه قرر ييجي هو وخطيبته برضو.
في المول سندس ماشية جنب يوسف
بص أنا أول مرة أخرج خطوبة كده في مول كنت متخيلة إنك هتقول نروح درس في الجامع.
يوسف
ما هو ممكن نختمها بدعاء برضو بس يعني مش لازم نبقى كئيبين.
سندس
أيوه كده الدين حلو.
خالد ييجي يجري
يا جماعة! في محل آيس كريم عامل عرض اتنين بسعر تلاتة.
يوسف
إنت متأكد إنك فهمت العرض صح
خالد
لأ بس هو شكله مغري وخلاص.
ضحكوا ومشوا ناحية المحل.
وهما بيختاروا لقوا مواعيد الصلاة على الشاشة الكبيرة أذن المغرب.
يوسف فورا
يلا نصلي الأول.
خالد
ثانية واحدة بس أختار النكهة
يوسف
صلاتك أهم من النكهة.
سندس بصوت هادي
يا خالد هنصلي ونرجع المحل مش هيطير إن شاء الله.
خالد
طب لو طلع صاحب المحل بيسافر كل أذان
سندس
ما تقلقش لو سافر نشتري من مطار القاهرة.
ضحكوا ومشوا للمصلى.
يوسف دخل الرجال وسندس مع البنات.
في المصلى واحدة تبص على سندس وتقول
ما شاء الله شكلك عروسة.
سندس
إن شاء الله قريب أدعيلنا بالستر.
الست
ربنا يجمع بينكم على خير ويبعد عنكم بنات التيك توك.
سندس تضحك
آمين يا رب ويبعد عننا ولاد التيك توك كمان.
بعد الصلاة رجعوا للمحل وفضل يوسف واقف شوية بعيد عن الزحمة عشان البنات.
سندس تاخد بالها فتقرب منه
واقف بعيد ليه
يوسف
الزحمة دي مضايقاني شوية بحس إن الواحد مش مركز في غض البصر.
سندس
طب ما تيجي نقعد على ترابيزة وأنا أجيب الآيس كريم ولا لأني بنت يبقى عيب
يوسف
بالعكس بس خاېف تتلخبطي في الطوابير.
سندس
تعالى نروح أنا وإنت سوا نختار بسرعة ونرجع.
يوسف
أوكي بس لو لقيتي الدنيا زحمة قوي نرجع نقعد.
سندس
ماشي يا شيخ يوسف.
راحوا جابوا الآيس كريم وهم راجعين خالد يقول
بصوا يا جماعة أنا قررت ألتزم زي يوسف.
يوسف
ما شاء الله إزاي
خالد
مش هبص غير على تلاتة بس خطيبتي وبنتي في المستقبل وبنتي التانية في المستقبل.
سندس
والتالتة فين
خالد
أصل نفسي في توأم.
يوسف
ما تبدأ بالاستغفار الأول يا عم وبعدين نشوف موضوع التوأم ده.
في يوم يوسف دخل على الفيسبوك لقى بوست مكتوب من سندس
أكتر حاجة بحبها في الرجولة الاحترام. مش الشدة ولا الصوت العالي.
يوسف حس بضيق بسيط.
هو الكلام ده مقصود بيه من بالظبط
كلمها
إزيك يا سندس
الحمد لله إيه الأخبار
شفت البوست اللي كاتباه.
آه عجبك
عجبني بس حسيت إنك بتلمحي على حد.
لأ خالص! ده أنا شوفت موقف في الشارع واحد بيزعق لمراته فكتبت الكلام ده.
يوسف
طب ما تكتبي شفت رجل بيزعق عشان الأفهام ما تتشعبش
سندس
حاضر يا سيدي هبقى أوضح تاني مرة.
سكت شوية بعدين قال
ممكن أقولك حاجة ويمكن تزعلك
قول.
أنا غيور بس بحاول أسيطر على نفسي. زعلت إن الناس ممكن تفهم إن خطيبك مش محترم.
سندس هديت فجأة
والله ما فكرت
فيها كده عندك حق هو فعلا أي كلام بكتبه دلوقتي الناس هتربطه بيك.
يوسف
وأنا برضو لازم أفتكر إنك مش بتكتبي حاجة تقصديني بيها دايما.
سندس
طب إيه رأيك نمسح البوست ده ونكتب واحد جديد
الحمد لله إن ربنا رزقني بواحد محترم بېخاف ربنا وبيفهمني حتى وأنا بتهزر.
يوسف يضحك
لأ كده هبقى مكسوف.
سندس
ياعم! اعتبره دعوة مقنعة.
يوسف
خلاص اكتبيه بس من غير ما تحطي إسمي.
سندس
اتفقنا.
اليوم اللي هيحددوا فيه معاد الفرح. العيلتين قاعدين والجو مليان هزار.
أم يوسف
يا بنتي جهزتي نفسك للدنيا الجديدة مسؤولية بقى وبيت.
سندس
إن شاء الله أكون قدها أنا بس هحتاج من يوسف يتعلمني شوية في الدين وأعلمه أنا شوية في الضحك.
أم سندس
ما تخافيش يا حبيبتي يوسف شكله بيضحك من جواه.
يوسف
هو أنا فعلا بهزر بس في سري.
سندس
لأ يا حبي هتطلع الهزار ده من السر للعلن.
يقوم المأذون. يتم العقد رسميا.
يوسف يبص لسندس بارتباك وفرح
كده بقينا على سنة الله ورسوله.
سندس
إن شاء الله نكمل على كده.
يوسف بهدوء
عندي اقتراح.
خير
نخلي البيت بتاعنا مكان للضحك الحلال والرحمة والذكر. نضحك بس ما نجرحش نزعل بس مانكسرش قلوب بعض.
سندس تدمع عيونها
ونتخانق بس نتصالح قبل ما ننام.
يوسف
عشان الحديث لا يحل لمسلم أن يهجر أخاه فوق ثلاث.
سندس
ما هو أنا مش ههجرك أصلا أنا هتغاظ شوية وبعدين أضحك.
يوسف
أهو كده تمام.
خالد ېصرخ من بعيد
يا جماعة حد يصورنا صورة حلال كده!
يوسف
يعني إيه صورة حلال
خالد
نصور من بعيد شوية عشان ما نزعلش يوسف.
سندس
لا يا عم دلوقتي أنا مراته على الورق فالصورة حلال رسمي.
يوسف يبتسم باستسلام جميل
ماشي بس نحتفظ بيها عندنا وبس.
سندس
اتفقنا.
تنتهي الرواية بضحكة جماعية وسندس في قلبها دعاء
يا رب خلي ضحكتنا دي دايما في طاعتك واجمع بين قلوبنا على حبك.
