اسكريبت حرم الهواري للكاتبة سمسمه سيد

كانت نور قاعدة قدام المراية لابسة فستانها الأبيض وبتبص لوشها الشاحب دخلت عليها مرات عمها أم بدر وهي بتزغرد بفرحة مصطنعة
ألف مبروك يا نور يا بنتي ربنا سترك وعف عفافك ورجعتي لدار الهواري من تاني وكله على يد الكبير.
نور بصلتها بمرارة وقالت بصوت مخنوق
سترني هو الستر إني أتجوز واحد مش طايق ريحتي يا مرات عمي
أم بدر بحدة اكتمي يا بت! بدر هو اللي لم شملك بعد ما منصور رماكي.. قومي العريس وصل.
في اوضة النوم
الباب اتفتح ودخل بدر بهيبته وقوته رزع الباب وراه لدرجة إن نور اتنفضت من مكانها. وقف قدامها وبص لها من فوق لتحت ببرود وجفاء
بدر اقلعي الطرحة دي يا نور.. التمثيلية خلصت والناس مشيت.
نور رفعت الطرحة بإيد بترتعش وبصت له بكسرة أنت ليه بتعاملني كأني عدوتك أنا عملت لك إيه
بدر بضحكة ساخرة عملتي إيه كفاية إنك خلتيني أكسر كلمتي قدام نفسي وأتجوز مطلقة من لحمي ودمي عشان ألم الفضيحة.. اسمعي يا بت الناس الكلمتين دول يتحفروا في مخك.
قرب منها ومسك فكها بقوة ورفع وشها ليه
بدر أنا اتجوزتك سترة يعني وجودك في الأوضة دي زي وجود الكرسي ده.. ماليش صالح بيكي ولا هلمسك واصل.. السرير ده أنا أنام عليه وأنت تنامي على الكنبة دي ولا تقربي مني ولا تفتحي بوقك بكلمة فاهمة
نور بدموع يعني أنت متجوزني عشان تذلني
بدر متجوزك عشان محدش يقول الهواري ساب عرضه للناس تنهش فيه.. لكن ك مرة لبدر الهواري لسه اللي تملى عيني متخلقتش.
سابها ورماها على الكنبة ودخل الحمام ونور كتمت صرختها في المخدة
نور فضلت طول الليل صاحية عيونها على السقف وقلبها بيتحرق مع كل دقة من دقات الساعة القديمة اللي في ركن الأوضة. بدر نام على السرير ولا كأن في بني آدمة تانية بتتنفس معاه في نفس المكان بروده كان أقسى من أي ضربة ممكن تتلقاها.
أول ما خيوط الشمس بدأت تتسحب جوه الأوضة بدر قام بنشاط غريب لبس جلبابه وعمته وبص لنور اللي كانت لسه قاعدة على الكنبة بفستان فرحها وشها ذبلان وعيونها وارمة من كتر السكوت والدموع المحبوسة.
بدر بجمود قومي فزي.. الحريم زمانهم على وصول عشان يباركوا لست الدار الجديدة. مش عاوز حد يلمح في عينيكي كسرة ولا يفتكر إن الهواري مكسور الجناح في ليلته.
نور رفعت راسها وبصت له بتحدي ممزوج بوجع أنت خايف على شكلك قدام الناس يا بدر خايف يقولوا العروسة باين عليها الحزن طب ما أنت فعلا كسرتني عاوزني أضحك للناس وأقولهم إنك رمتني على الكنبة في ليلة دخلتي
بدر قرب منها خطوتين وصوته بقى واطي ومرعب إياكي يا نور.. إياكي لسانك ده يزل قدام حد. أنت هنا ملكي وسرك في بير والبير ده لو في يوم طفح صدقيني مش هتلومي غير نفسك. قومي غيري الخلق دي وألبسي حاجة تليق بعروسة الكبير وانزلي استقبلي ضيوفك بضحكة عريضة وإلا...
نور قاطعته بمرارة وإلا إيه هتطلقني يا ريت.. ده يبقى أعظم جميل تعمله فيا.
بدر ضحك ضحكة باردة زلزلت كيانها الطلاق ده للستات الحره يا بت الناس مش للي داخلين الدار سترة. قومي اخلصي مش فاضيلك.
بكرهك الكاتبة سمسمه سيد
ابتسم بدر بسخريه 
شعور متبادل
بعد شوية
نزلت نور وهي لابسة عباية غالية من الحرير بس ملامحها كانت زي التمثال. الصالة كانت مليانة حريم النجع وأم بدر كانت بتتصدر الجلسة وتوزع ابتسامات فخر.
واحدة من الحريم بهمس شوفي يا خيتي العروسة وشها أصفر باين عليه الهواري مقدرش ينسى إنها كانت علي ذمة غيره قبله.
أم بدر بحدة نور يا بتي تعالي اهنه جاري مالك واقفة بعيد كأنك غريبة أنت دلوقتي ست الدار.
نور مشيت ببطء وقعدت والستات بدأوا يباركوا بكلام زي السم ألف مبروك يا ست نور ربنا عوضك خير عن اللي فات وإن شاء الله الدار دي تمليها عيال من صلب الكبير.
نور بصت لأم بدر وقالت بصوت مسموع للكل الخلف ده رزق من ربنا يا خالة وبدر قايم بالواجب وزيادة مش مخلي في نفسي حاجة واصل.
في اللحظة دي بدر كان داخل من المندرة وسمع جملتها عينيه اتقابلت مع عينيها وحس إن كلامها كان فيه سخرية وجعت رجولته قدام نفسه رغم إنه هو اللي طلب منها التمثيل.
بعد كام ساعه
أول ما البيت فضي بدر سحب نور من دراعها ودخل المكتب ورزع الباب.
بدر بصوت عالي إيه اللي قولتيه قدام الحريم ده أنت بتلقحي عليا بالكلام يا نور
نور نفضت إيده بقوة أنا عملت اللي أنت طلبته! مثلت إني سعيدة ومثلت إنك راجل مفيش زيك! أنت عاوز إيه تاني أنت قولتلي إني زي الكرسي وأنا بقوم بدوري الكرسي مبيحسش ومبيتكلمش غير لما حد يحركه!
بدر قرب منها لدرجة إن أنفاسه الغاضبة لفحت وشها أنا اللي أحركك يا نور وأنا اللي أقول تقولي إيه ومتقوليش إيه. الكلام اللي قولتيه عن الخلف ميتكرش وخلي بالك ان لصبري حدود يانور فاهمه.
نور بدموع وصراخ غلطت في إيه أنت ليه مش شايف إنك بتقتلني بالبطيء أنت اتجوزتني سترة ولا اتجوزتني عشان عندك عقدة نقص من ابن عمك وعاوز تطلعها فيا لو فاكر إنك بجمودك ده هتبان قوي فأنت أضعف راجل أنا شوفته لأن القوي هو اللي بيحمي مش اللي بيدوس على حد من لحمه ودمه!
بدر رفع إيده وكأنه هيضربها ونور مرمشتش فضلت باصة في عينيه بتحدي اضرب يا بدر.. اضرب عشان تثبت لنفسك إنك الكبير يابن الهواري. أهو ده اللي ناقصك عشان تكمل الصورة.
بدر نزل إيده ببطء وعيونه كان فيها صراع غريب صراع بين كرامته وبين جمال نور اللي كان بيستفزه ويجذبه في نفس الوقت.
بدر بفحيح اطلعي فوق.. ومشوفش وشك في الدار دي طول اليوم. النهاردة هخرج للغيط ولما أرجع مش عاوز أسمع نفسك في الأوضة فاهمة
نور سابته وخرجت وأول ما الباب اتقفل بدر حدف الفنجان اللي على المكتب في الحيطة كسره مية حتة.
بدر لنفسه يا وجع القلب.. ليه عينيها خطفتني كدة وليه مش قادر أكسر عينها زي ما كسرت عيني قدام نفسي
بدر خرج للغيط وهو جواه غضب السنين ونور فضلت في أوضتها بس المرة دي مكنتش بتعيط.. كانت بتمسح دموعها وبتبص لصورة والدها وهي بتقول الحق مش عليك يا بدر.. الحق عليا أنا اللي وافقت أكون زوجة لواحد قلبه حجر بس وحياتك عندي الحجر ده هينطق يا إما هينكسر.
بعد مرور اسبوع
نور كانت واقفة بتحضر الفطار دخل بدر المطبخ بجلبيته الأنيقة وعيونه بتدور على حاجة بضيق.
بدر فين العمة بتاعتي يا نور
نور بهدوء غسلتها وكويتها وموجودة على المكتب برا يا بدر بيه.
بدر بزعيق ومين سمحلك تلمسي حاجتي أنا مش قولتلك ملكيش صالح بهدومي ولا بمكتبي أنت هنا عشان تطبخي وتغسلي وبس مش عشان تمثلي دور الست المهتمة!
نور بحدة لأول مرة أنا مش مستنيه حد يسمحلي! أنا بقوم بواجبي عشان مسمعش كلمة وحشة منك ولا من مرات عمي.
بدر قرب منها وبص لها بغل واجبك واجبك إنك تغوري من قدامي دلوقتي وتدخلي أوضتك مش عاوز