اسكريبت حرم الهواري للكاتبة سمسمه سيد

دخل بدر الأوضة تاني بس المرة دي كانت خطواته تقيلة.. تقيلة أوي. لقى نور لسه قاعدة على الأرض في نفس المكان ملامحها ميتة وجنبها الورقة المقطوعة.
بدر وقف قدامها وسكت كتير كان عاوز يتكلم عاوز يعتذر بس كبرياء الصعيدي وجبروته كانوا خانقينه.
بدر بصوت واطي جدا نور..
نور من غير ما ترفع راسها عرفت الحقيقة يا بدر بيه عرفت إن المطلقة اللي أنت اتجوزتها سترة كانت أشرف من الظن اللي سكن عقلك
بدر قعد على ركبه قدامها لأول مرة ومد إيده يلمس كتفها بس هي اتنفضت
حقك عليا.. الغيرة عمتني والورقة كانت زي السم اللي دخل في دمي.. أنا مكنتش شايف قدامي.
نور رفعت راسها وبصت له بعيون غرقانة دموع غيرة أنت قولت إنك مبتطقش ريحتي.. قولت إني نكرة في حياتك.. اللي بيغير بيغير على حاجة بيحبها مش على حاجة قرفان منها!
بدر بصوت فيه نبرة صدق هزت كيانه ومين قال إني قرفان منك أنا كنت بهرب منك يا نور! كنت بخلق المشاكل عشان ملمحش جمالك وأضعف قدامك.. أنا بدر الهواري اللي الكل بيعمله حساب لقيت نفسي بتهز قدام نظرة من عيونك.. كان لازم أقسى كان لازم أبان جبل بس الجبل انهد فوق راسي أنا.
نور سكتت وبصت له بذهول وبدر كمل وهو بيمسك إيدها بقوة
أنا ظلمتك.. وعارف إن القلم اللي أخدتيه وحبسك في الأوضة تمنهم غالي.. بس أوعدك يا نور من النهاردة مفيش مخلوق هيقدر يرفع عينه فيكي وأولهم الكلب ال اسمه منصور.
بعد يومين.
بدر كان قاعد في المندرة ونور دخلت وهي شايلة صينية القهوة بس المرة دي كانت لابسة فستان شيك ولفة طرحة رقيقة. بدر أول ما شافها قام وقف وده خلى الحريم اللي واقفين برا يشهقوا من الاستغراب.
بدر تعالي يا نور.. اقعدي.
نور باستغراب أقعد فين يا بدر أنت عندك ضيوف.
بدر بصوت مسموع للكل الضيوف يمشوا لو قعدتك هتضايقهم.. أنت ست الدار دي ومكانك جنبي مش ورا الأبواب.
نور قعدت وهي مش مصدقة وبدر بص لها وقال بهدوء
جهزت لك ورق الجامعة.. بكرة السواق هيوصلك وهيكون معاكي حراسة مش عشان أسجنك بس عشان مفيش كلب يهوب ناحيتك تاني.
نور بابتسامة خفيفة لأول مرة بجد يا بدر
بدر بغمزة وابتسامة لاول مره تظهر بجد يا قلب بدر.. بس القلم اللي أخدتيه حسابه لسه مخلصش.. وأنا هقضي عمري كله بصالحك فيه.
فجأة دخل واحد من الغفر وهو بينهج يا بدر بيه! المخزن ولع.. ومنصور هرب قبل ما نرحله للشرطة وحلف إنه هيحرق قلبك على أغلى ما تملك!
بدر اتفزع وبص لنور وسحبها ورا ضهره وهو بيطلع سلاحه
يبقى اختار موته بيده.. والمرة دي مفيش رحمة!
بدر سحب نور ورا ضهره وعروق إيده برزت وهو ضاغط على سلاحه. ادخلي جوه يا نور! ادخلي ومتطلعيش واصل مهما سمعتي صوت فاهمة
نور بصرخة مرعوبة وهي ماسكة في اطراف جلبيته لا يا بدر! متمشيش.. منصور مابقاش عنده حاجة يخسرها ده ممكن يغدر بيك!
بدر بص في عينها بنظرة أخيرة كانت مزيج من القسوة والحنان بدر الهواري مبيخافش من خفاش ليل يا نور. اللي يتجرأ يقرب من داري وهو عارف إني فيها يبقى كتب شهادة وفاته بيده. ادخلي!
زقها لجوه الأوضة وقفل عليها الترباس من برا ونزل السلم زي الإعصار. النار كانت بدأت تاكل في طرف المخزن القديم والدخان مالي الجو. الغفر كانوا بيجروا في كل حتة يحاولوا يسيطروا على الحريقة وبدر واقف في نص الساحة وصوته زلزل المكان
بدر اظهر يا منصور! اظهر يا ولد .... وواجهني راجل لراجل بدل شغل النسوان والحريق في الضلمة ده!
ضحكة هيستيرية طلعت من ورا شجر النخيل القريب من سور البيت وظهر منصور وهو شايل بندقية آلي وشه كان مشوه من أثر ضرب بدر ليه وعيونه فيها جنون خالص.
منصور نهايتك النهاردة يا بدر! الدار دي اللي فضلت تذلني بيها وبطولك وهيبتك فيها هخليها قبرك وقبر المحروسة اللي جوه!
بدر ببرود وثبات وهو بيقرب منه نور بقت مرتي يا منصور غصب عنك وعن أي حد. والمرة دي مفيش كبير عيلة هيلحقك من تحت يدي.. المرة دي مفيش غيري أنا وأنت.
منصور رفع البندقية وبدأ يضرب نار عشوائي الرصاص كان بيخبط في حيطان البيت والكل كان بيصوت. بدر رمى نفسه ورا عمود رخام وبدأ يرد عليه بالرصاص. في اللحظة دي نور مأدرتش تقعد جوه وهي سامعة صوت الرصاص بياكل في بيتها. جابت آلة حادة من الأوضة وقدرت تفتح الترباس من الشق وطلعت تجري في الممر وهي بتشوف المشهد من فوق.
نور بصراخ بدررر! خد بالك وراك!
واحد من رجالة منصور كان متسحب من ورا بدر وسكينة في إيده وبدر بفضل صرخة نور لمح ظله ولف في ثانية واداله طلقة في رجله وقعه مكانه.
منصور استغل انشغال بدر ووجه البندقية ناحية نور اللي كانت واقفة في البلكونة
منصور بتحبيه يا نور طب شوفي حبيبك وهو بيشوفك بتموتي قدام عينه!
بدر بصراخ هز الأرض لااااا يا نور!
بدر مرمى سلاحه وجري في اتجاه الرصاص وجسمه غطى زاوية الرؤية لمنصور وطلقة صابت كتف بدر بس هو مأهتمش وصوب مسدسه وبدقة الصقر ضرب طلقة واحدة سكنت في قلب منصور.. وقع منصور مكانه جثة هامدة وانتهى الكابوس للأبد.
نور نزلت تجري زي المجنونة وصلت لبدر اللي كان ساند على العمود والدم مغرق كتفه. وقعت على ركبها قدامه وهي بتعيط بهستيريا وتمسح في دمه بطرحتها.
نور ليه عملت كدة كنت هتموت يا بدر! ليه ضحيت بنفسك عشاني
بدر بوجع وابتسامة خفيفة عشان أنت.. أنت العوض يا نور. الجبل اللي كنت بحكي عليه طلع رمل قدام دمعة واحدة من عينك. أنا اللي كنت محتاجك مش أنت.. قلبي اللي كان هيموت من القسوة حيتيه.
نور حضنته بقوة وهي بتبكي وبدر ضمها بإيده السليمة وهو بيهمس في ودنها قدام الكل لا هامه عادات ولا هامه ناس
حقك عليا يا ست البنات.. من النهاردة مفيش جفا ومفيش أوضة مقفولة ومفيش مطلقة.. في بس نور الهواري اللي ملكت قلب الكبير.
بعد شهر
البيت رجع أحسن من الأول وبدر قرر يعمل وليمة كبيرة للنجع كله بس المرة دي الفرحة كانت بجد. نور كانت واقفة جنبه بملابسها الصعيدية الأنيقة وبدر ماسك إيدها قدام الكل.
بدر وهو بيبص لنور بحب جاهزة يا دكتورة السواق مستني عشان يوصلك أول يوم جامعة.
نور بابتسامة جاهزة يا كبير.. بس بشرط.
بدر تأمر يا جميل هو أنا أقدر أقول لأ
نور لما أرجع.. ترسم معايا. أنا علمتك الحب وأنت لازم تتعلم الفن.
بدر ضحك من قلبه أنا اللي هرسمك يا نور.. هرسمك في كل ركن في الدار دي عشان الكل يعرف إن الجبل لما بيعشق بيتحول لچنة.
كان الليل سكن النجع كله والهدوء لف دار الهوارية إلا من صوت النسيم اللي بيحرك ستاير الجناح الكبير. بدر كان واقف في البلكونة الواسعة لابس جلبابه الأبيض الخفيف وساند إيديه على السور وهو بيبص للقمر وسرحان.
خرجت نور من جوه كانت لابسة فستان حرير ناعم وشعرها مفرود على ضهرها لأول مرة بحرية. قربت منه بهدوء